ene vendredi 13 ki nepli ena sa lambiance longtemps la

novembre 13, 2009 à 11:33 | Publié dans Biltin info asoir | 13 commentaires

zordi vendredi 13…pres pou al fini mem la. Mo ti p atane pou gagne bane blog posts ki vraiment faire pere mais bon, moriciens parete nepli pere vendredi 13 aster. Et bane blogguere blogueuse, plis moins encore.  Sinon coter sa blog la mo p gagne bane bon encourazement mais malheureusement li p vine imper difficil pou poster news tous les zours, li prend a peu pres 2 heres temps minimum pou lire et ecrir…Donc capav mo pou bizin diminuer frequence et poster 2 fois oubien 1 fois par semaine.

Nuvel Blog:

Le 12 Novam 2006, Morinn ti poster so premier lentrer blog ki ti lor Cheerleading.  Zot coner kieter sa non? Sa em bane tifi ki crier pou encouraz bane garcon dans bane match.B morinn ek so group zot ti fabrik zot prop kitsoz ek lacord rafia, zot ti met bane stocking footballere. Bon mo souhaite Morinn so blog 1 bon naniversaire de la part mo mem et tou nou bane lecteres lectrices ici.

Aniisah ine plein ek so bane linz, so bane pantalon jeans, churidaar tousa. 1 bon parti line partazer, 2-3 seki li content line garder. Tifi la p envi met zip aster. Li dir zip pou faire li parete plis feminin ek long talon.Li dir li gagne 1 bon sensation pou sanz larmoir! 1 anze en beton! En fait avant li ti 1 tifi, quand line mort line vine anze, mais en beton et en form 1 stati. C 1 santer ou 1 poem par Martina McBride ki Aniisah ine meter lor so blog. Martina la mo croir pena ‘valere humain’ sa akoz li ecrir santer lor la mort dimoune :S hehe, seki comprend comprend, seki pas comprend, pas comprend ditou 😉 Aniisah ti p coz lor bane zenfant ki abizer…mem par zot parents ki bate zot, tortir zot et mem touye zot. Line prend 1 lexemp ki fine passer dans moris recemment acot 1 papa fine touye so tibaba akoz piti la ti p plorer bocou.

Domennie ki considere li mem cuma 1 devot de la mode p faire reclame bane nuvo model savat talon et linz ki pou gagne gagne bane magazin H & M (pas moris sa mo croir…). Dans 1 post avant, li ti p faire modelling, met zot zoli linz, mais seki ine attire mo lattention plis dans foto la, par derriere li parete ti fek met marb dans 1 lasam, bane marb la zot zoin pas ti encore netoyer, ti encore ena sa cima zoin la.

Kozelidir p koz lor savings rate dans moris. Li dir ki minis finance ti p plaigner ki rate la ti diminier depi 26% ine vine 24.6%. Sa cou la aster sa ine vine 12% et minis la pas p dir nanrien. Kozelidir p penser cumsa ine cav arriver et li p demander seki kikene coner, dir li.

Alo Hassen… Karishmaaaaaa! Biento pou tend sa nouvo zenerik la+ pou trouve zot tou lor lecran! MetroBoy p dir ki Hassen Rojoa ek Karishma Beeharee p travail ensam lor 1 nuvo prozet ki apel ‘La Chaine Mauricienne’…pas facil sa, si li ti vraiment pou moris, zot ti ava met li en creol mem: « Sene bane moriciens! » (mo bizin met 1 copyright lor sa nom la tention Hassen cokin la?). Enfait prozet la c 1 sene television ki pou lor Web. Ziska lere pane tend tapaz dans reclame tousa lor la. Parete ki Hassen so bane prozet avant pane trop gagne suxser. B aster line decipe pou evite vende lapo lours avant touye li… touzour line aprane kitsoz par lexperience…

Jeudi 12 Novam, Angele so mood pas ti trop bon…pas coner kifer (deviner?)…Et li dir akoz ti p faire chaud et himid, sa ine plis gate mood la encore. lor la aircon pas ti p travail…moV soye sa…Donc line passe laplipart so letemps lazourner faire palab avec so bane camarad travail, zouer ti sera pendi et aprane prononce bane mot difficil et zot signification…. Paye li pou faire tousala? :S Li bien content jeudi ine fini et weekend p coster.

Yashvin (BA: Blog Authority) dir nou ki li bien aprecier bane comediens francais. Li gete sa lor bane emission cuma pli grand cabaret dans le monde, bane zetoiles ki riyer lor mbc. Li dir li prefere bane francais akoz li pli comprend et pli facil pou li rente dans zot lapeau. 1 revelation ki line faire: li prefere bane fim et emission francais ki anglais. Li pas trop claire si li p rode dir fim par bane francais ou fim kine tradire en francais…bien different sa. Esperon li amene 1 ti eclairsissment lor la.

AzRa ena pou move out…li pas p dir ki coter selma. Li dir li pas envi aller, mais li bizin aller mais li pas envi aller…Fouf ki zess, al 1 fois si ou bizin aller :p Li pencore cumence faire so packing, si zot cav aide  li, aide li faire packing la 1 fois, li cav aller lerla.

Rabin p dir li bizin nou aide. Line al guete so camarade consiltante pou consilter so blog et faire 1 review. Aster li p  faire 1 survey ek imper question simple pou gagne feedback depi so bane lectere. Parete li p prend blogging la moV seryer hein…Cav dans le fitir, ena bloggere moricien pou cumence paye consiltant tou!

Sun ine modifier 1 vieux video clip lor hitler ek bane nazi, line azoute bane sou-tit ki ena lien avec so bane camarade ki dans class Computer Science and Engineering (CSE) 2eme lanner. Pas sa comik la selment…ena bocou version sa clip la lor youtube, zot cav rode roder. 1 sel personaz mone al reconete dans video la, ena 1 madame p plorer, 1 lot dir li pas plorer Tushal….

Ashesh p rode 1 acheter 1 Macbook Pro. Li p rode bane ti conseil cot li cav al acheter sa. B Mac la 1 pomme mem sa non? Dans bazar portlouis pas p gagne bon pommes la? Line met 1 video youtube ki dedicasser a windows 7 ek santer ‘it’s too late’….trop tard windows 😦

Soz (mo pane trouve page cot ena dimoune la so nom) so camarad ine done li 1 link pou 1 siteweb summitglobal.com . Seki interessant c ki logo sitweb la bien ressembler sa lettre M dans logo moris ene plaizir ki xavier fine paye 31 millions la…1 ti flip horizontal et 2-3 ti resize….

Nuvel Twitter:
Camion salter pas p ramass saltner cot morinn depi 3 semaines…(surement zot ine penser morinn pou rode 1 fasson pou recycler tou so salter)

Met yoplait lor gato dans place disik, 1 solution pou laguerre contre diabete ki morinn envi essayer.

1 zoli tifi ti p assiz lor mem sofa ki tushal zordi dans bis. Tifi la al uom mem mais tushal pane gagne couraz coz ek li…line prefere tweet lor li plito

Et lor la, line gagne aide de so camarade carrot ki fine challenge li pou pas coz ek tifi la , lerla li pou 1 vrai geek (surement carrot em ti p interesser sa, donc li empeche sanla bate lacol…) et tushal ine trempe dans lasauce  carrot…

De nouvo sa samdi la, Tushal ine al rode tifi la lor facebook line add li. Mais li p dementi ki li envi sorti ek li, li dir li nek envi faire camarade…1 sipere lenvi sa man!

Publicités

13 commentaires »

RSS feed for comments on this post. TrackBack URI

  1. Tushal + Carrotmadman6 + Unknown Hot Girl = Ultimate Mauritian Drama LOL.
    🙂

  2. wahahaha tushal inn al tombe dans sa piege carrot la enplein!

  3. De nouvo sa samdi la, Tushal ine al rode tifi la lor facebook line add li. Mais li p dementi ki li envi sorti ek li, li dir li nek envi faire camarade…1 sipere lenvi sa man!

  4. Tush_al – A gay soul trapped within a straight shell. LOL.

  5. I say it again: your blog is hilarious. Keep it up dude. You even got me to go read blogs that I had never checked before. Cheers!

    btw: Mo job principal c’est Redacteur en Chef l’express dimanche. Interview radio one là, ca mo donn bann camarades radio ene coup de main dans lundi…

  6. merci pou lencourazment Rabin.

    Mo coner ena dimoune pas trop satisfait mais malherezment, dans tou zafaire li cumsa, ena 1 parti ki content, lot parti ki pas trop content. Avec zot bane ti conseil, nou essaye ameliorer et travail la bizin continier. Mo redir li 1 cou: nou la pou met zepices dans linfo!

  7. Tushal so zistoire la tro comik sa! Mo bizin considere recyclage, c vrai! :p

  8. Ki pe arrivé? Samedi pena biltin? MBC brilé, toi ki aret donn l’information? lol

  9. lol..ene mari description sa:Penfin..lol!wei pas mru sa btw..canada:P

  10. ayo, mo croire bizin trappe toi fer toi essaye imP jupes! lerla to pu compren sa ban sensations la! hahahaa!!!!

  11. @ Rabin, pas p gagne letemps poster 1 biltin par zour. Mo p essaye faire li vine 1-2 biltins par semaine et pou piblier 1 selection de bane info.

    @ Domennie, bane zoins marb la fini netoyer?

    @ anii, mo pas interesser gagne sa kaliter sensations la moi hein :p

  12. @roushdat: haha..nan penkor..amoin si toenvi vine done ene coup main mo tonton fini bne travaux la, lerla kve puena ene lavancement..lol:P

  13. grrrrrrrrrrrrrrr…


Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

Créez un site Web ou un blog gratuitement sur WordPress.com.
Entries et commentaires feeds.

%d blogueurs aiment cette page :